සිත්තමකි ජීවිතේ
පාට පාටින් හැඩ වැටුන
සොඳුරු සිත්තරු ඔබයි
තෙලිතුඬයි ඔබ මනස
නේක විද පාට පිරි
අමුතු හැඟුමන් ගොඩයි
කැලතිලා පැතුම් පොදි
ජීවිතේ පාට වෙයි
අඳුරු වී මිලින වී සිතුවම ම බොඳ උනත්
සිහිනෙකින් වත් විටෙක සුබ වර්ණ නොපෙනුනත්
දිය දහම මෙය බවම නුවණින්ම සිහි කරන්
සසැලුනත් නොසෙලවී සිත්තරුන් සිනාසෙත්
මකාලිය නොහැකි නොහැකිමුත් ජීවිතේ පිංතූරේ
වෙසෙස් සිත්තම් කරුට හැකි නොවද සරසන්න
සිතා සිත් දිරි රැගෙන - මවාලා නව වර්ණ
අදිවී සිතුවම ම සොඳුරු සේ පෙර මෙන්ම
බලාපොරොත්තුවේ පැහැය
මනුසත් බවත් සමඟ මුසුකොට
අදින්න සිත්තරු නොවෙද
උතුම් මනු මිහිලොවම
No comments:
Post a Comment