Showing posts with label මගේ නොවේ. Show all posts
Showing posts with label මගේ නොවේ. Show all posts

Sunday, March 26, 2017

පවසන්


සයුරු දළ රළ එක්ව රඟනා
සිත් වෙරළ සිඹිනා
යලි යලිත් නැගෙනා
කැටිති පෙණ පොකුරු දැයි පවසන්

තුන් යමේ සීතලට
තරු එළිත් නිදි රෑක
ඝණ අඳුර විනිවිදින
මුදු ස්වරය ඔබද පවසන්

මදහසින් ලොව පිබිද
සිත් පතුල් මත සරන
සිතිවිලිද ඔබ මගේ
හොර රහසෙ සෙමින් පවසන්


Tuesday, February 14, 2017

නැතුව



සරදමක්ද අද 
පෙර දිනක් පිදුව 
සොඳුරු මුදු කුසුම

ගං තෙරක් හිඳ
විහඟ රාවයට
මිමිනු පෙම් කවිය

හදේ කැටි ගැහුන
මගෙ සුසුම් පොද
යනෙන තැන් නැතුව


Thursday, December 1, 2016

රහස්



සලිත ලලිත නෙත් රසඳුන්
රහස් ගෙනෙනවා... 
තුන්යම සිහින මැවෙනවා
සිත් මල විකසිත වෙනවා...

හෙමින් සැරේ හොර රහසෙම
වෙලී වෙලී පවන් රොදක
මතක සුවඳ තවරාලා
රහස් කියනවා... 
හද විල රටා මැවෙනවා....

ඈත දුරක වළා රොදක
මොලකැටි සියුමලි මුදු ගුණ
සැරින් සැරේ දවටා ගෙන
රහස් කියනවා... 
කව්රුද රහස් අහනවා...


Friday, November 18, 2016

මඟ බලා



කොහෙන් කොතනින් ඇවිද ආවෙද
කෙදින කෙලෙසක නික්ම යාවිද
කිසිත් නොමදත් ජීවිතේ
සෙවනැල්ල වුව තනි රකීවිද
අඳුර රජයන විට ලොවේ...

මුවින් වැගිරෙන අමා මී වැල්
දස අතේ විසිරී තියේ
එවන් පදයක අරුත පසදින
උතුම් මනුදම් 
සැඟව ගියේ ඇයි ලොවේ...

හඬන සිතකට ගෙනෙන සැනසුම
මදහසෙත් සැඟවී තියේ
අමිල ගුණ දම් නැවත් පූදින
දවස එනතුරු
මඟ බලා සිටිමුද කෙසේ...


Monday, August 8, 2016

පරව ඇයි සොඳුරු කුසුමන්


මවාලා සොඳ මියුරු හසකැන්
රිදුම් දිවි ගිම් නිවා සිසිලෙන්
විඩා සිඳවා අසුරු සැනෙකින්
ලකර කරවා දිවිය නිතැතින්

හදේ තෙත් ගති මැවූ සකියන්
දිවි කතර වට සිහිල් පොද පැන්
හඬව හඬවා සහස් මිනිසුන්
පරව යනු ඇයි සොඳුරු කුසුමන්




Tuesday, May 10, 2016

මන්දාරම් නුවරට



මන්දාරම් නුවරට මන්දාරම් අඳුරේම
මගේ හිත හැමදාකම ඇවිදන් යාවී
හිත රැදි ඔය හිනාව හිමි නැති බව කිව්වට
හැබැහින් දැක ගන්නට පෙරුම් පුරාවී

යදමින් විලංගු ලා සිරකරලන්නේ කෙලෙසක
මන්දාරම් වැසෙසේම් දුක් කවි පද පබැදේවී
විහඟුන් ඒ ගී වැල් රහසේ මුමුනන කොට 
හද බැදි පෙම තව තව ලියලාවී

මගේ හිත පුරවාගෙන ඉකිලන සිතුවිලි පෙල
සීතල හැන්දාවේ පාළු මකාවී
මුලු නුවරම කළු කර කප්පරකට බැදි සෙනෙහස
මහ වැහි විලස දසත දොර ගලාවී






Saturday, May 17, 2014

හදවතට දැනෙන්න හිතන්න...



ජනතාවට ආලය නොකරයි නම්
ජාතිය ගැන නොහිතයි නම් 
කාව්‍ය බිහි නොවේ...
අපගේ යුගය සහ
ලෝකයේ හිංසාවන් ගැන තැකීමක් නැති නම්
කාව්‍ය බිහි නොවේ...
යහපත ගැන උනන්දු නොවී
නපුරට විරුද්ද නොවේ නම්
එවිටද කාව්‍ය බිහි නොවේ...



මෙය අසලියා මල ටෙලිනාට්‍යයේ දෙබස් වලින් උපුටා ගැනීමකි... ස්වයං නිර්මාණයක් නොවේ

Saturday, May 10, 2014

අද මගේ දවස...



  • සුදු ළුනු කාල චොකලටුත් කෑවා
  • ඇසන්මන්ට් එක සබ්මිට් කරන්න ඕන වෙලව මදි උනාම තව පැය 12ක් දුන්නා. ඒකත් මදියි කිව්වහම තව විනාඩි 20ක්ම දුන්නා
  • මොනව උනත් මගෙ උත්තර කොලේ බලන මනුස්සයට බුදු සරණයි දෙවි පිහිටයි
  • හෆ්ෆෆා කාලෙකට පස්සෙ මොනවද මොනවද වැඩ වගයක් කරා
  • පැය 2ක් නිද ගත්තා
  • නා ගන්නත් බැරි උනානෙ මේ සතියටම
  • සුදු පාට මානෙල් මල නම් ලස්සනයි. ඒකෙ හොද ෆොටෝ එකක් ගත්තා
  • ඒ උනාට අද සැහෙන්න කාලෙකින් පිනක් කර ගත්තා. පිණ්ඩපාතෙ වැඩින හාමුදුරුවන්ට දානෙට අඹ දුන්නානේ 
  • කොහොම හරි අන්තිමට ගූගල් දෙයියගෙ රහස් පදෙත් අමතක උන කියන්නකො. පරන එව්වා මතක් කර කර 10 ක් විතර ගහල කොහොම හරි මේ බ්ලොග් පෝස්ට් එක දන්නා එකත් සොය ගත්තනෙ

හැබයි ඉතින් අද තව මොනව මොනව වේවිද දන්නෑ... අද තමයි දවස...

- පීලිං වොන්ඩාරපුල්

Tuesday, April 2, 2013

මගේ කින්නරාවී...


සීත මීදුම් ඉරා දෙනෙත් මඟ ඇහිරූ...
ජීවිතේ සීත ඍතුවේ ගිරි දුර්ඟ අතරින්
මා එක්ක එනවදො චන්න කින්නරාවි...
මා එක්ක එනවදෝ චන්න කින්නරාවී...

රළු පොළව මතින් දිවෙන
විඩාබර දිගු ගමනේ...
මුඩු සිනිඩු දෙපා රිදෙන
වේදනා සුසුම් අතරේ...
ආදරේ ශේෂ වේවිදෝ චන්න කින්නරාවි...
මා එක්ක එනවදෝ චන්න කින්නරාවී...

-උපුටා ගැනීමකි-
ගීතය

දෙහි

  දෙනකොට දෙහි මදි නොකියන්නම ඇබුලටම... මිරිකලා හොදටම හදනවා බීම පැණි බේරෙන්නම මදි නොකියන්න Photo by Yethu Mtshali on Unsplash