හැන්දෑවේ

චංචල වී ගල් ගැහුනා සිත මොහොතක්

සිතන්න වත් සිත් නැති නිමේශයේ

පුපුරා වැටුනා මහ වැස්සක්

ගන අඳුරට අත වනනා හැන්දෑවේ

දබර කරන ඉවසිලි නැති මහ හුළඟක්

අරන් ආව අන්ධකාර වළාකුලක්

ගුගුරා හැලුවා මහ වැස්සක්

ගන අඳුරට අත වනනා හැන්දෑවේ

රූරා වැටුනා සිත්තම් ඇදුනා

කවි සිත සැලුනා පද වැල් බැදුනා

උතුරා යන මහ වැස්සක්

ඉඩෝරයක ඉම දකිනා හැන්දෑවේ

ගිම් නොනිමි

මන බඳින නෙක දසුන්

නඟයි මදහස් හැඟුම්

දරා ගෙන නෙක සිතුම්

ගෙවෙයි දින කල් ගෙවුම්...

වතේ රැඳි මදහසින්

සැරසෙයිද සිත සිතුම්

සුනිල් සන්සුන් හැඟුම්

මතු වෙයිද විඩාවෙන්...

රඟ මඬල නළු දනන්

නෙක මුහුනු පලදමින්

සොයයි සැනසුම් සුසුම්

ගිම් නොනිමි ජීවිතෙන්...

සියපත

ළහිරු කිරණින් පිබිද - අවසරද හිනැහෙන්න

ගී ගයන විහඟුනේ - කියන් රහසින් මෙමට

තිමිර බිඳ සිනාසෙන - සොඳුරු සියපත වෙන්න

සහස් අරුණලු එක්ව - මකරන්ද විහිදන්න

විඩ බර ලෝ සතට - සිනා කැන් පොද වෙන්න

කලල් දිය මැඩ එන්න - අවසරය මට දෙන්න

පොඩි කුරුල්ලෙක් වගේ

සොඳුරු නම් මල් සුවඳ වාගේ

සිහිල් නම් මද පවන වාගේ

ගලා යද්දෙන් ඔහේ 

පා වෙලා ජීවිතේ...

රැදුනි නම් මුදු ගුණය සේම සඳේ

පියකරුයි නම් සිතුම් වැල් නිති හදේ

පසුතැවි නම් තිබුනදෙන් කොහේ

ගලායන්නට ඉඩ දෙන්න ජීවිතේ...

තටු සලා පොඩි කුරුල්ලෙක් වගේ...

ඉගිලිලා 

ඈත නිල් ආකහේ...

පාවෙලා

විඳිමි විඳිනෙමි පාවෙලා

සිහිල් සුලඟේ දැවටිලා

සුමුදු සුදු මුදු තටු සලා

ජීවිතේ රස ඉම් සොයා

නිකිමිලා මව් සෙනේ උතුරන

ලොවෙන් දිවි මං පෙත් බලා

හමුවේද කෙම්බිමක් කෙදිනක

සිහිල් උනුහුම ගැවසෙනා

රැවටෙනා සිත නේක සිතුවිලි

පිරිවරා හැඟුමන් පුරා

මිරිඟු දියවර ගිම් නිවාවිද

දැවෙන සිත සිහිලක් වෙලා

පවසන්

සයුරු දළ රළ එක්ව රඟනා

සිත් වෙරළ සිඹිනා

යලි යලිත් නැගෙනා

කැටිති පෙණ පොකුරු දැයි පවසන්

තුන් යමේ සීතලට

තරු එළිත් නිදි රෑක

ඝණ අඳුර විනිවිදින

මුදු ස්වරය ඔබද පවසන්

මදහසින් ලොව පිබිද

සිත් පතුල් මත සරන

සිතිවිලිද ඔබ මගේ

හොර රහසෙ සෙමින් පවසන්

අත්තටු ලැබිලා

විහිදී යාවී විසිරී යාවි 

සිතුවිලි දිගන්තයේ...

පවනැල්ලේ වෙලිලා

ඈතට දුර ආකාසේ...

සිතිජ ඉමව්වේන් එහා

නෙපෙනෙන ඉමකට

අත්තටු විහිදා...

පියඹා යන්නට යාවි

රහසක් හදවත පතුලේ

සහසක් මතකය අතරේ

සතුටක් ගෙන ආ සසරේ

වෙහෙසක් නිවූ දිවි කතරේ

ලැබිලා - අත්තටු ලැබිලා

හෙමිහිට යනවා -පියඹා 

පොතේ කතාව

දුර ඈත  වන අරණ - වැජඹුනේ පෙර දිනේ

නැණැස් එළි නගන්නලු - මිහිළි සිඹ සැගවුනේ

පත් අගට එක් රොක්ව - ගී ගැයුව විහඟුනේ

නුඹේ ගීයේ තාල නැති - කාලයක් ගත උනේ

නෙක රටා හැඩ දමා - මොනවාද ලියවුනේ

අරුත් පද කියාලයි - සහස් දන කියැවුවේ

සිත් පුරා පිබිදුවේ - නව ලොවලු හෙට දිනේ

පොත් ගුලක හිඳී අද - දහස් ගව් දුරු රටේ

වනමලී

යායට පිබිදෙවි - කාටත් රහසේම

හිරු දැක හිනෙහෙවි - සුබ දසුනක් සේම

හසරැලි නංවාවි - සිත් ගිම් නැසු සේම

නෙත රංජන වෙවි - වනමලීයගේ දැකුම

සොඳුරු මුදු මකරන්ද - ලොව දසත විහිදාවි

මාවතේ මංදිරේ - හැම තැනක සුපිපේවි

නම් නොමැති කුසුම නුබ - සිත මඩළ සනසාවි

වෙහෙස දැනෙනා සිතට - සිලිලාරයක් වේවි