නීල නිසල අහස් කුස යට
ළදළු නැලවෙන ගං දෑල මිටියාවතක
කළුද සුදුද අළුද කියන්නට වත් නොමදත්
කිසිවෙක් කිසි කලෙක නොදුටු ජීවිත...
මලින් බර සොඳුරු වසන්තයක
තුරු පත් ගිලිහෙන මූසල වස්සානයක
ලොවම හඳුනන - ලොවම නොහඳුන
හුරු පුරුදු - නුපුරුදුම ජීවිත...
මද පවන් වැද සැලෙන
මහා මාරුත සැලි සැලී ඉවසන
මුල් සිදී ඉදිරී ගරා වැටුන සඳ
දළු නගා යලිත් උපන් ජීවිත...
වෙණ තතක රැදුන
ලසෝ ගීයක ලෙසින
හද පතුල් සිඹින
සහස් හැඟුමන් එතුන ජීවිත...
නෙතඟ සිරවී සුසුම් දැවටී
සිනාවක් ලොව සොයන ජීවිත
කෙලෙස කවුරුන් හැඳින ගත්තද
වංකගිරියක ඇදෙන එවන් ජීවිත...
No comments:
Post a Comment