දෙහි

 

දෙනකොට දෙහි

මදි නොකියන්නම

ඇබුලටම...

මිරිකලා හොදටම

හදනවා බීම

පැණි බේරෙන්නම

මදි නොකියන්න

Photo by Yethu Mtshali on Unsplash

මිරිගුවක දුවනවා

 

සිහින සොයන්න, සිහින දකින්න

පෙරුම් පුරනවා පැතුම් පතනවා

කවදා උදාවේදෝ නොදන්නා

මිරිගුවක දුවනවා

නිදහසක්, නිදහසක් සොයනවා

නොලැබුනත් පතනවා පතනවා

නිදි නැතුව සොයනවා පතනවා

මිරිගුවක දුවනවා

කඳුලු බිඳු

 කඳුලු බිඳු බර උනත් කෙතරම් නෙත් කෙවෙනි අඟ

රුව බලන කල කැඩපතින්

නොපෙනේය එතරම්ම බර

මහා සුවිසල් කඳුලු කැට

සිනාසෙන්න

 

සිනාසෙන්න වරම් දෙන්න

පැතුම් මිටක් විසි කරන්න

ඒ සිනහව පුබුදුවන්න

නෙතේ කැළුම් මට පුදන්න

හිරිමල් හිත කිති කැවෙන්න

එක බැල්මක්වත් හෙලන්න

කෝළ හැගුම් උතුරුවන්න

ඒ ඇති මගෙ හිත පිරෙන්න

අපි වෙන් උනා

අතීතේ දුර ඈතක

නොහිතාම අපි හමු උනා

වසන්තෙ අග දවසක

නොහිතාම අපි වෙන් උනා

හැන්දෑවේ

චංචල වී ගල් ගැහුනා සිත මොහොතක්

සිතන්න වත් සිත් නැති නිමේශයේ

පුපුරා වැටුනා මහ වැස්සක්

ගන අඳුරට අත වනනා හැන්දෑවේ

දබර කරන ඉවසිලි නැති මහ හුළඟක්

අරන් ආව අන්ධකාර වළාකුලක්

ගුගුරා හැලුවා මහ වැස්සක්

ගන අඳුරට අත වනනා හැන්දෑවේ

රූරා වැටුනා සිත්තම් ඇදුනා

කවි සිත සැලුනා පද වැල් බැදුනා

උතුරා යන මහ වැස්සක්

ඉඩෝරයක ඉම දකිනා හැන්දෑවේ

ගිම් නොනිමි

මන බඳින නෙක දසුන්

නඟයි මදහස් හැඟුම්

දරා ගෙන නෙක සිතුම්

ගෙවෙයි දින කල් ගෙවුම්...

වතේ රැඳි මදහසින්

සැරසෙයිද සිත සිතුම්

සුනිල් සන්සුන් හැඟුම්

මතු වෙයිද විඩාවෙන්...

රඟ මඬල නළු දනන්

නෙක මුහුනු පලදමින්

සොයයි සැනසුම් සුසුම්

ගිම් නොනිමි ජීවිතෙන්...

aluth mihira

සහස් සිතුවිලි රහස් කියනා

සීත මැදියම සසලවා

හීන තැවතුර සිතම මත් උන

සොඳුරු ගී පද කියවෙනා...

නීල දෙනයන මතින් මත් කල

රුවක් සිත්තම් වෙලා

සුසුම් පොද හද නැගෙන රාවය

අලුත් මිහිරෙන් සැරසුවා...

සියපත

ළහිරු කිරණින් පිබිද - අවසරද හිනැහෙන්න

ගී ගයන විහඟුනේ - කියන් රහසින් මෙමට

තිමිර බිඳ සිනාසෙන - සොඳුරු සියපත වෙන්න

සහස් අරුණලු එක්ව - මකරන්ද විහිදන්න

විඩ බර ලෝ සතට - සිනා කැන් පොද වෙන්න

කලල් දිය මැඩ එන්න - අවසරය මට දෙන්න

පොඩි කුරුල්ලෙක් වගේ

සොඳුරු නම් මල් සුවඳ වාගේ

සිහිල් නම් මද පවන වාගේ

ගලා යද්දෙන් ඔහේ 

පා වෙලා ජීවිතේ...

රැදුනි නම් මුදු ගුණය සේම සඳේ

පියකරුයි නම් සිතුම් වැල් නිති හදේ

පසුතැවි නම් තිබුනදෙන් කොහේ

ගලායන්නට ඉඩ දෙන්න ජීවිතේ...

තටු සලා පොඩි කුරුල්ලෙක් වගේ...

ඉගිලිලා 

ඈත නිල් ආකහේ...

ලුහුබදිති

අගක් නැති මුලක් නැති

මඟක් ඇති ලොවක් ඇති

සිනා කෙළි කවට ගති

සුසුම් ලැතැවුල්ද ඇති

නේක දන සැරිසරති 

ජය ටැඹක් සොයා නිති

සම බරද දන්නෙ නැති

මිරිඟු දිය ලුහුබදිති

පාවෙලා

විඳිමි විඳිනෙමි පාවෙලා

සිහිල් සුලඟේ දැවටිලා

සුමුදු සුදු මුදු තටු සලා

ජීවිතේ රස ඉම් සොයා

නිකිමිලා මව් සෙනේ උතුරන

ලොවෙන් දිවි මං පෙත් බලා

හමුවේද කෙම්බිමක් කෙදිනක

සිහිල් උනුහුම ගැවසෙනා

රැවටෙනා සිත නේක සිතුවිලි

පිරිවරා හැඟුමන් පුරා

මිරිඟු දියවර ගිම් නිවාවිද

දැවෙන සිත සිහිලක් වෙලා

පවසන්

සයුරු දළ රළ එක්ව රඟනා

සිත් වෙරළ සිඹිනා

යලි යලිත් නැගෙනා

කැටිති පෙණ පොකුරු දැයි පවසන්

තුන් යමේ සීතලට

තරු එළිත් නිදි රෑක

ඝණ අඳුර විනිවිදින

මුදු ස්වරය ඔබද පවසන්

මදහසින් ලොව පිබිද

සිත් පතුල් මත සරන

සිතිවිලිද ඔබ මගේ

හොර රහසෙ සෙමින් පවසන්

නැතුව

සරදමක්ද අද 

පෙර දිනක් පිදුව 

සොඳුරු මුදු කුසුම

ගං තෙරක් හිඳ

විහඟ රාවයට

මිමිනු පෙම් කවිය

හදේ කැටි ගැහුන

මගෙ සුසුම් පොද

යනෙන තැන් නැතුව

පිවිතුරුම පළමු පෙම

සඳ එළිය වගේ සිසිලැල්

හිමිදිරිය වගේ මනලොල්

ලොව පෙමක් තිබේ නිකැලැල්

නැත කිසිත් එයට සම තුන්කල්

සුදු පියුම් පරදවන 

පිවිතුරුම පළමු පෙම...

ස්නේහයේ ගීතයේ 

සුමුදු මුදු රන් රාව...

ඉකිගසන ජීවිතේ සනසවා 

තුරුලු කරවා ලැමට දෝතින්...

ලොවම සනසන ලොවම නැලවෙන

අන් දෙයක් වෙයිද වෙන යම්...

රහස්

සලිත ලලිත නෙත් රසඳුන්

රහස් ගෙනෙනවා... 

තුන්යම සිහින මැවෙනවා

සිත් මල විකසිත වෙනවා...

හෙමින් සැරේ හොර රහසෙම

වෙලී වෙලී පවන් රොදක

මතක සුවඳ තවරාලා

රහස් කියනවා... 

හද විල රටා මැවෙනවා....

ඈත දුරක වළා රොදක

මොලකැටි සියුමලි මුදු ගුණ

සැරින් සැරේ දවටා ගෙන

රහස් කියනවා... 

කව්රුද රහස් අහනවා...

මඟ බලා

කොහෙන් කොතනින් ඇවිද ආවෙද

කෙදින කෙලෙසක නික්ම යාවිද

කිසිත් නොමදත් ජීවිතේ

සෙවනැල්ල වුව තනි රකීවිද

අඳුර රජයන විට ලොවේ...

මුවින් වැගිරෙන අමා මී වැල්

දස අතේ විසිරී තියේ

එවන් පදයක අරුත පසදින

උතුම් මනුදම් 

සැඟව ගියේ ඇයි ලොවේ...

හඬන සිතකට ගෙනෙන සැනසුම

මදහසෙත් සැඟවී තියේ

අමිල ගුණ දම් නැවත් පූදින

දවස එනතුරු

මඟ බලා සිටිමුද කෙසේ...

ආදරේ හිමිකාරි

පුරා පෙරුමන් පතා පැතුමන්

රුහිරු වගුරා කඳුලු වපුරා

දිනා ගත්තා මා...

මම ඔබේ කර ගත්තා...

කිරුල නොපලන් රැජිනියයි ඔබ

මහද ගැස්මේ රිද්මයයි ඔබ

මුදු සුමුදු සඳ සිසිලසත් පරයන

ආදරේ හිමිකාරියයි ඔබ...

බලා කල් යල් සුදු නෙලුම සොඬින් ගෙන

ඔබේ කුස වැඩි දෙව් පුතුන් නම් මම නොවේ

ජීවිතේ සැඬ කටුක යුගයක

සෙවු කෙන්බිම ඔබමවේ...

තවම නොදනිමි අන් කෙනෙක් මට

සම කරන්නට ඔබේ ලඳේ...

ජාති ජාතිත් පත්න්නේ මම

ඔබෙම වේවා සංසාරයේ...

අත්තටු ලැබිලා

විහිදී යාවී විසිරී යාවි 

සිතුවිලි දිගන්තයේ...

පවනැල්ලේ වෙලිලා

ඈතට දුර ආකාසේ...

සිතිජ ඉමව්වේන් එහා

නෙපෙනෙන ඉමකට

අත්තටු විහිදා...

පියඹා යන්නට යාවි

රහසක් හදවත පතුලේ

සහසක් මතකය අතරේ

සතුටක් ගෙන ආ සසරේ

වෙහෙසක් නිවූ දිවි කතරේ

ලැබිලා - අත්තටු ලැබිලා

හෙමිහිට යනවා -පියඹා 

ජීවන සක්මන

කලඹ කලඹා සහස් මතයකය

යන්නෝ ද එති එන්නෝ ද යති

සොඳුරු බව සොයලා...

දිවියේ පැහැ ගන්වා

තෙරක් නොදකින ජීවිතේ ලියලා....

නඟති කඳුලක් ගැඹුරු සුසුමක්

යලිත් හිනැහෙන්නටම වරමක් 

වරම් ලද උන් හමු වේද දිවියේ...

සදාකාලික වූ 

සොඳුරු බව ලද...

සැපත සදනා මං සොයාලා 

වෙහෙස වී

පවුරු පදනම් බිඳ වැටෙයිදෝ

මාවතක් නැති ජීවිතේ... 

ජීවිතේ... ගීතයේ....